Դիլիջան Բնակարանային Համալիր

Դիլիջան Բնակարանային Համալիր

Դիլիջան բնակարանային համալիրը ներառում է՝
  • "դուպլեքս" տիպի բնակարաններ, որոնք տեղակայված են երկհարկանի քոթեջներում
  • տարբեր մակերեսներով 20 բնակարան տեղակայված 4-հարկանի բազմաբնակարան շենքում

Համալիրի տարածքում նախատեսվում են ավտոկայանատեղիներ, մանկական և սպորտային հրապարակներ: Դուպլեքս բնակարանը ժամանակակից եվրոպական ստանդարտներին համապատասխան ինքնատիպ երկհարկանի բնակարան է:

Առաջին հարկում են՝
  • խոհանոց, սանհանգույց, հյուրասենյակ
  • հյուրասենյակից ելք դեպի սեփական այգետարածք՝ հանգստի և ժամանցի յուրահատուկ անկյուն

Երկրորդ հարկում են՝
  • մեծ և փոքր ննջարաններ
  • սանհանգույց և լոգարան

Նման դասավորվածությունը հնարավորություն է տալիս ստեղծել հարմարավետ պայմաններ ընտանիքի բոլոր անդամների համար: Յուրաքանչյուր բնակարան ունի նաև կից հողամաս՝ 25-30 քմ, նախատեսված բնակիչների հանգիստը առավել հարմարավետ դարձնելու համար: Ջեռուցումը և տաք ջրամատակարարումը բնակարաններում անհատական են:

Տեղանքը
  • Բնակարանային համալիրը գտնվում է Դիլիջան քաղաքի հյուսիս արևմտյան Շամախյան թաղամասում, որը ներկայումս հանդիսանում է Դիլիջան քաղաքի ամենաարագ զարգացող թաղամասը:
  • Թաղամասն առանձնահատուկ է իր հրաշագեղ բնությամբ և երիտասարդ բնակչությամբ: Այն ապահովված է նաև զարգացած սոցիալական ենթակառուցվածքով և մշտապես գործող քաղաքային տրանսպորտային ցանցով:
  • Թաղամասում առկա է միջնակարգ դպրոց և վերջերս վերակառուցված մանկապարտեզ: Ներկայումս կառուցվում է նաև Այբ դպրոցի մասնաճյուղը:

Ծրագրի Մասին
"Դիլիջան բնակարանային համալիր"-ի կառուցապատման ծրագիրն իրականացվում է ԱՍԲԱ հիմնադրամի և Դիլիջանի քաղաքապետարանի համագործակցությամբ, ինչպես նաև հոլանդական “Գրուն Վեստ” և ԴԻԳՀ (DIGH) կազմակերպությունների ֆինանսական աջակցությամբ:

Շինարարությունը սկսվել է 2013թ. մարտին, առաջին բնակարանները շահագործման կհանձնվեն 2014թ.: Շինարարության ողջ ընթացքը հսկվում է հայ և հոլանդական առաջատար մասնագետների կողմից:

Դիլիջան բնակարանային համալիրն առաջարկում է՝
  • Մատչելի բնակարաններ վաճառքի և վարձակալությամբ
  • Ժամանակակից ճարտարապետական լուծումներ և տեխնոլոգիաներ
  • Էներգախնայող մոտեցումներ՝ արևի լույսի և ջերմության առավելագույն օգտագործմամբ
  • Բնակության նոր որակ եվրոպական ոճի համայնքում
  • Մշտապես կառավարվող և սպասարկվող համայնք բնակիչների մասնակցությամբ
  • Առանձնացված այգետարածք յուրաքանչյուր դուպլեքս բնակարանի համար
  • Բարեկարգված կանաչ շրջակայք և ներքին գիշերային լուսավորություն

Ինֆորմացիայի Թարմացում
Շինարարական աշխատանքները ծրագրի վայրում ավարտվել են և այժմ ավարտին է մոտենում տարածքի բարեկարգումը:

Էներգաարդյունավետությունը Շենքերի նախագծման փուլում. ՇԷՆ ծրագրի և ԱՍԲԱ հիմնադրամի համագործակցության ամփոփումը Դիլիջանի Սոց. Բնակարանային ծրագրի շրջանակներում
Գինը Պայմանագրային
Կառուցապատող Ազգային Սոցիալական Բնակարանային Ասոցացիա
Հետադարձ Կապ dilijan@asba.am / +37410 - 581604, +37495 - 151719