ԱԱԲ Քոնսթրաքշն


Երևան, 0037, Արաբկիր 39-րդ փ. 1ա
(37410) - 259359, (37410) - 259559; Fax: (37410) - 255080

Քաղաքացիական և Առևտրային Շինարարություն, Արդյունաբերական և Տրանսպորտային Շինարարություն, Հողային և Քանդման Աշխատանքներ, Ինժեներական Համակարգեր, Մասնագիտացված Շինարարություն և Ծառայություններ

Բարձրահարկ Շենքերի Կառուցում, Բնակելի Շենքերի Կառուցում, Ճանապարհային Շինարարություն, Ասֆալտապատում, Հողային Աշխատանքներ, Քանդման Աշխատանքներ, Ծանր Շինարարական Տեխնիկայի Վարձակալություն


Բետոն / Ասֆալտ / Լցանյութեր, Քարեր / Աղյուսներ

Վաճառք՝
  • Ասֆալտբետոն
  • Բազալտ
  • Եզրաքարեր

Արտադրություն՝
  • Ասֆալտբետոն
  • Բազալտ
  • Եզրաքարեր

Էլ․ Փոստ Կայք
Աշխատանքային Օրեր / Ժամեր
ԵՐԿԵՐՔՉՈՐՀՆԳՈՒՐԲՇԲԹԿԻՐ
Լուսանկարներ
Մեր Մասին
Ընկերությունը հիմնադրվել է 2006 թվականին հիմնադիր-տնօրեն Արմեն Բադալյանի կողմից։ Աշխատանքները սկսվել են խրամուղիների փոքրածավալ ասֆալտապատման աշխատանքներից՝ օգտագործելով երկու վարձակալած տեխնիկա՝ ինքնաթափ և գլդոն։ 2008թ․-ին ընկերությունն իրականացրեց առաջին մեծածավալ աշխատանքը՝ 12կմ երկարությամբ գյուղական ճանապարհի շինարարություն։ Նախագծի իրականացման համար ընկերությունը ներմուծեց նոր սարքավորումներ և տեխնիկա։ Այս ծրագիրը հիմք հանդիսացավ ծավալները ընդլայնելու և գործունեության ոլորտները զարգացնելու համար՝ ներառելով հողային աշխատանքներ, բետոնե արհեստական կառույցների արտադրություն և տեղադրում, խճի արտադրություն, բնակելի շենքերի շինարարություն, դրենաժային աշխատանքներ, ասֆալտապատման աշխատանքներ և կամուրջների շինարարություն։ 2010թ․ մենք ընդլայնվեցինք դեպի Վրաստան՝ հիմնելով մեր մասնաճյուղը Թբիլիսիում։ Զուգահեռաբար, 2006թ․-ին, սկսվեց առաջին 7 հարկանի բնակելի շենքի շինարարությունը։ Մինչ օրս մենք արդեն իրականացրել ենք 30-ից ավելի լայնածավալ նախագծեր մեր գործունեության բոլոր ոլորտներում և՛ Հյաստանում, և՛ արտասահմանում։
ԳՈՐԾՈՒՆԵՈՒԹՅՈՒՆ
Հողային Աշխատանքներ

AAB Construction ընկերությունը հողային աշխատանքներ իրականացնում է 2006թ․-ից։ Մենք ունենք հզոր տեխնիկական բազա, որը տարիների ընթացքում անընդհատ համալրվել է՝ ապահովելով առավելագույն արտադրողականություն և արդյունավետություն։ Մասնագիտացած լինելով նաև հորատման և պայթեցման աշխատանքներում՝ մենք ապահովում ենք հողային աշխատանքների իրականացման առավելագույն ծավալը ամենասեղմ ժամկետներում։ Տեխնիկական հագեցած բազան, թերևս, չէր լինի այդքան արդյունավետ, եթե վերջինս չունենար տեխնոլոգիական նորարարական լուծումներ։ Օրինակ, գրունտային գլդոնները, որոնք հատուկ ներկառուցված GPS համակարգի օգնությամբ ապահովում են հողային աշխատանքների պարբերական մոնիթորինգը, տալիս են կատարյալ արդյունք։ Նույն GPS հաղորդիչներով օժտված են նաև գրեյդերները և բուլդոզերները, ինչն ապահովում է երաշխավորված արդյունք կատարյալ ցուցանիշներով։ Մեր ունեցած լուսային գերհզոր աշտարակները թույլ են տալիս անվտանգ և անխափան աշխատել նաև գիշերային ժամերին։ Այսպիսով՝ մենք կարողանում ենք իրականացնել հողային աշխատանքներ 24/7 սկզբունքով՝ անկախ եղանակային պայմաններից։

Ասֆալտապատման Աշխատանքներ

Դեռևս 2006թ․-ին ընկերությունն առջին անգամ իրականացրեց ասֆալտապատման փոքրածավալ նախագիծ, որն էլ հիմք հանդիսացավ ընկերության ստեղծման համար։ Այժմ մենք արտադրում ենք ասֆալտապատման համար անհրաժեշտ հիմնական նյութերը։ Ասֆատլի արտադրության շարժական գործարանները հնարավորություն են տալիս իրականացնել ասֆալտի արտադրությունը ցանկացած վայրում ՝ խուսափելով երկար տարածությունների տեղափոխությունից և հնարավոր բնապհպանական խնդիրներից։ Ասֆալտի վերամշակումն իրականացվում է գերհզոր ֆրեզավորման մեքենայով, որը համալրված է բոլոր անհրաժեշտ գործառույթներով՝ ապահովելու ամենաբարձր ցուցանիշներն ու որակը։ Բացի մեր արտադրած ասֆլատից և մեր ունեցած նորագույն ասֆալտ փռող տեխնիկայից, մեր աշխատանքի անթերի որակն ապահովում է մեր անձնակազմը։ Ոլորտի առաջատար մասնագետները պատրաստ են իրականացնել վերականգնման, հիմնանորոգման և ասֆալտապատման ցանկացած բարդության աշխատանք՝ լինի գյուղական ճանապարհ, հանրապետական նշանակության մայրուղի, թե թռիչքուղի։

Հորատում և Պայթեցում

Մենք իրականացնում ենք հորատման և պայթեցման աշխատանքներն ամբողջությամբ պատվիրատուի նախընտրած ձևաչափով՝ լինի դա հանքարդյունաբերություն, ժայռային պայթեցումներ, պայթեցման համար անհրաժեշտ հորատում՝ ապահովելով անթերի արդյունք։ Մեր լիցենզավորված անվտանգության ինժեներներն իրականացնում են տեղանքի մանրակրկիտ ուսումնասիրություն և ներկայացնում են անհրաժեշտ գեո-տեխնիկական հաշվետվությունները, ինչպես նաև իրականացման նախագիծը՝ պայթեցման և հորատման բոլոր չափանիշներին համապատսխան։ որատումները ապահովում են ժայռաբեկորի համապատասխան մանրեցումը, որն էլ պայթեցումից հետո հանույթի համար իդեալական հարթակ է։ Հորատման գործունեությունը ծավալվում է ինչպես հանքարդյունաբերության աշխատանքներում, այնպես էլ լայնածավալ հողային աշխատանքներում։

Խճի Արտադրություն

Խճի արտադրության հիմնական մասը կենտրոնացած է Կոտայքի մարզի Արամուս գյուղում գտնվող բազալտի հանքում, որը պատկանում է ընկերությանը։ Գերհզոր տեխնիկական սարքավորումները և առաջատար մասնագետները ապահովում են տարբեր չափերի բարձրորակ խճի արտադրանք, իսկ անմիջապես արտադրողից գնված Volvo և Caterpillar էքսկավատորները և բուլդոզերները ապահովում են առավելագույն արագություն և ադյունավետություն։ Քարջարդիչները շարժական են, ինչը հնարավորություն է ընձեռում հեշտորեն տեղակայել դրանք անհրաժեշտ ցանկացած վայրում՝ խուսափելով խճի տեղափոխումից: Ինչը թույլ է տալիս խնայել ժամանակ, ռեսուրսներ և չխախտել բնապահպանական նորմերը:

Բետոնե Արհեստական Կառույցներ

Ճանապարհաշինության ցանկացած գործընթաց ուղեկցվում է բետոնե արհեստական կառույցների արտադրությամբ և տեղադրմամբ։ Վերոնշյալ գործընթացի հանդեպ գրագետ և պրոֆեսիոնալ մոտեցումը խնայում է և՛ ժամանակ, և՛ ռեսուրսներ, և՛ գումար։ Բետոնի արտադրությունն ապահովող մասնագետները պարբերաբար անցնում են վերապատրաստումներ Liebherr -ի փորձագետների մասնակցությամբ։ Արդյունքում, ընկերության արտադրած ջրատարները, բետոնե արգելապատնեշները և վաքերը չափազանց երկարակյաց են։ AAB Construction-ը ունի բետոնե արհեստական կառույցների արտադրման և տեղադրման մեծ պորտֆոլիո։
ՆԱԽԱԳԾԵՐ

ԱՇՏԱՐԱԿԻ ԿԱՄՐՋԻ ԱՍՖԱԼՏԱՊԱՏՄԱՆ ԱՇԽԱՏԱՆՔՆԵՐ
Մեր ընկերությունը 2017 թ. դեկտեմբերին ավարտեց Աշտարակի կամրջի ասֆալտապատման աշխատանքները, որոնք իրականացվել են սառը վերամշակման տեխնոլոգիայով՝ շատ կարճ ժամկետմերում: Պրոֆեսիոնալ աշխատակազմի և նորագույն տեխնոլոգիական լուծումների շնորհիվ մենք ապահովել ենք բարձր որակ։
ՆՈՐ ԳԵՂԻ-ԱՐԳԵԼ-ԱՐԶԱԿԱՆ-ՀՐԱԶԴԱՆ ԳՅՈՒՂԱԿԱՆ ՃԱՆԱՊԱՐՀԻ ՎԵՐԱԿԱՆԳՆՄԱՆ ԱՇԽԱՏԱՆՔՆԵՐ
2016թ.-ի մայիսին ընկերությունը սկսեց Նոր Գեղի-Արգել-Արզական-Հրազդան կմ 10+100 - կմ 16+800, կմ 16+800 - կմ 25+323 գյուղական ճանապարհի վերականգնման աշխատանքները։ Ծրագրի մրցույթը հայտարարվել էր ՀՀ տրանսպորտի և կապի նախարարության ծրագրերի իրականացման կազմակերպության կողմից։ Ծրագրի շրջանակներում իրականացվել է.
- Հենապատի կառուցում
- Ջրահեռացման մետաղական ջրախողովակների տեղադրում
- Առկա խողովակների իջեցում
- Բետոնե արհեստական կառույցների տեղադրում /ջրահեռացման վաքեր/
- Թվով երեք առկա կամուրջների վերակառուցում և մեկ նոր կամրջի շինարարություն
- Բազալտե եզրաքարերի տեղադրում ամբողջ ճանապարհի երկայնքով / մոտ 4000 գ․մ/
- Ասֆալտապատման աշխատանքներ /5կմ/
Ճանապարհը հանձնվել է շահագործման 2017թ․-ի նոյեմբերին, ինչպես և նշված է եղել պայմանագրում։
ԲՈՐԺՈՄԻ-ԲԱԿՈՒՐԻԱՆԻ-ԱԽԼՔԱԼԱՔ ԵՐԿՐՈՐԴԱԿԱՆ ՃԱՆԱՊԱՐՀԻ (S 20) ԿՄ 69-ԿՄ74 ՀԱՏՎԱԾԻ ՎԵՐԱԿԱՆԳՄԱՆ ԱՇԽԱՏԱՆՔՆԵՐ
Մեր ընկերությունը իր գործունեությունը ծավալում է ինչպես ՀՀ տարածքում, այնպես էլ Վրաստանում, որտեղ մենք ունենք մեր պաշտոնական ներկայացուցչությունը՝ սկսած 2010թ․-ից։ 2016թ․-ի ապրիլ ամսին ընկերությունը սկսեց Բորժոմի-Բակուրիանի-Ախլքալաք երկրորդական ճանապարհի (S 20) կմ 69-կմ74 հատվածի վերականգման աշխատանքները։ Աշխատանքները ներառում եին․
-Նախապատրաստական աշխատանքներ
-Հողային աշխատանքներ
-Ասֆալտապատման աշխատանքներ, որոնք իրականացվել են սառը վերամշակման տեխնոլոգիայով
-Բետոնե արհեստական կառույցների տեղադրում և կառուցում
-Բակային տարածքների վերանորոգում
-Գծանշումներ և կահավորանք
-Հենապատեր
-Կամուրջների վերականգնում
Աշխատանքները ավարտվել են ըստ նախատեսված ժամանակացույցի՝ 2017թ․-ի օգոստոսին։
ՍԵՎԱՆ-ԵՐԵՎԱՆ ՄԱՅՐՈՒՂՈՒ ԿՄ 41-ԿՄ 57 ՃԱՆԱՊԱՐՀԱՀԱՏՎԱԾԻ ՀԻՄՆԱՆՈՐՈԳՈՒՄ
Ինչպես արդեն տեղեկացրել էինք, Սևան-Երևան մայրուղու 16 կմ երկարությամբ ճանապարհատվածի վերանորոգման աշխատանքներն իրականացնելու համար Տրանսպորտի, կապի և տեղեկատվական տեխնոլոգիաների նախարարության հայտարարած մրցույթում հաղթող էր ճանաչվել AAB Construction-ը՝ նախահաշվային 857,170,000 դրամ գնի փոխարեն 574,303,896 դրամ գնով՝ այսպիսով խնայելով պետական բյուջեի 282,866,104 դրամ։
Վերանորոգման աշխատանքները սկսվել էին սույն թվականի հունիսի 2-ին, և ծրագրով նախատեսված 90 օրվա փոխարեն աշխատանքները ավարտին են հասցվել 50 օրվա ընթացքում։
Շինարարության ամբողջ ընթացքը վերահսկվել է ընկերության որակի վերահսկման թիմի կողմից, ովքեր կատարել են ամենօրյա նմուշառումներ՝ ստուգելով կատարված բոլոր աշխատանքների համապատասխանությունը պահանջված բոլոր չափանիշներին։ Կիրառված հարթեցնող նորագույն տեխնոլոգիաների շնորհիվ մենք ստացել ենք ասֆալտբետոնե ծածկի պահանջված պատշաճ հարթություն, որի արդյունքում լրացուցիչ հարթեցնող շերտ կառուցելու փոխարեն ճանապարհը կառուցվել է նախատեսված 16 կմ-ից 1 կմ ավել երկարությամբ՝ միևնույն գնի սահմանում։
Կարևորելով մեր կատարած աշխատանքի որակը և արդյունավետությունը՝ մենք շարունակելու ենք ներդրումներ կատարել նոր տեխնոլոգիաների ձեռքբերման և զարգացման մեջ, ինչը մեզ թույլ կտա ապահովել էլ ավելի որակյալ արտադրանք՝ խնայելով ժամանկը և պետության միջոցները։
Ապրանքանիշեր
Ammann

Շվեյցարիա

Bomag

Գերմանիա

Caterpillar

Ամերիկայի Միացյալ Նահանգներ

Hidromek

Թուրքիա

Howo

Չինաստան

Mercedes-Benz

Գերմանիա

Metso

Ֆինլանդիա

Sandvik

Շվեդիա

Volvo

Շվեդիա

Wirtgen Group

Գերմանիա

XCMG

Չինաստան