«Նազարբեկյան Թաուերս» բնակելի համալիրը տեղակայված է նորակառույց Հյուսիս-Հարավ մայրուղուց ընդամենը 300 մետր հեռավորության վրա, որն էլ հնարավորություն է ընձեռում հաշված րոպեների ընթացքում հասնել Կոմիտասի, Իսակովի պողոտաներ, ինչպես նաև կենտրոն։

Համալիրի ընդհանուր տարածքը կազմում է 8393 քմ, վերգետնյա կառուցապատման մակերեսը՝ 2600 քմ է, որը ամբողջ տարածքի մոտ 30 տոկոսն է կազմում։

Բնակելի համալիրը բաղկացած է լինելու 3՝ «Ա», «Բ» և «Գ» մասնաշենքերից, ունենալու է ընդարձակ, բարեկարգ, կանաչապատ և լուսավոր բակ, որտեղ մեքենաներ չեն կայանելու։ Համալիրի բնակարանների պատուհաններից դեպի Արարատ, Արագած, Արա լեռներ բացվում են գեղեցիկ տեսարաններ։ Ճարտարապետական հմուտ լուծումների արդյունքում բոլոր բնակարաններն ու տարածքներն ապահովված են լինելու ջերմամեկուսացման, անվտանգության, հակահրդեհային, ինչպես նաև ինսոլացիոն պահանջներով։ Հարևանությամբ գործում են դպրոց, մանկապարտեզ, առկա են տրանսպորտային ենթակառուցվածքներ։ Համալիրի տարածքում նախատեսվում է կառուցել մանկական խաղահրապարակ, շատրվան, տեղադրվելու են տաղավարներ, նստարաններ։

Բնակելի համալիրում նախատեսված են 2 ստորգետնյա ավտոկայանատեղիներ, որոնք, շնորհիվ ճկուն ճարտարապետական լուծումների, ունենալու են առանձին մուտքեր և ելքեր ինչպես մեքենաների, այնպես էլ հետիոտների համար։ Ավտոկայանատեղիները նախատեսված են թվով 280 ավտոմեքենայի համար։ Դրանք ծառայելու են շենքի բնակիչների համար և ապահովված են լինելու լուսավոր և կանաչապատ տարածքներով, ինչպես նաև անվտանգության միջոցներով։ Շենքերն ապահովված են լինելու ժամանակակից պահանջներին համապատասխան եվրոպական արտադրության բարձրորակ վերելակներով։ Համալիրում առկա են լինելու հեծանիվների համար նախատեսված հատուկ կայանատեղեր և այլ պահատեղեր։

Համալիրի տանիքների հատվածների, ինչպես նաև հարակից տարածքների լանդշաֆտային ձևավորումները և ենթակառուցվածքային լուծումները նպաստելու են թաղամասում կատարյալ հանգստի համար անհրաժեշտ կանաչ գոտու ձևավորմանը։

«Ա» մասնաշենքը նախատեսվում է կառուցել վերգետնյա 14 հարկից, նվազող 7 հարկից, որտեղ նախատեսված են թվով 67 բնակարան և հասարակական նշանակության 6 տարածք։ Ճարտարապետական լուծումների համաձայն բնակարաններից 8-ն ունենալու են ընդարձակ օգտագործելի տեռասաներ։ Մասնաշենքն ունենալու է 44 քմ-ից մինչև 170 քմ /ներառյալ տեռասաները/ մակերեսով 2, 3, 4 սենյականոց բնակարաններ։ Մասնաշենքն ունենալու է 2 մուտք, յուրաքանչյուրում նախատեսված է մեկական ընդարձակ վերելակ։

«Բ» մասնաշենքը նախատեսվում է կառուցել 16 վերգետնյա հարկից, որտեղ նախատեսվում են թվով 160 բնակարան և հասարակական նշանակության 6 տարածք։ Մասնշենքում նախատեսված են 2 և 3 սենյականոց բնակարաններ՝ 45 քմ-ից մինչև 92 քմ մակերեսով։ Մասնաշենքն ունենալու է 2 մուտք և 2 վերելակ /մարդատար և բեռնատար/։

«Գ» մասնաշենքը նախատեսվում է կառուցել վերգետնյա 21 հարկից, որտեղ նախատեսված են թվով 198 բնակարան և հասարակական նշանակության 5 տարածք։ Մասնաշենքում նախատեսված են 2 և 3 սենյականոց բնակարաններ՝ 50 քմ-ից մինչև 90 քմ մակերեսով։ Այս մասնաշենքն ունենալու է 2 մուտք և 2 վերելակ /մարդատար և բեռնատար/։

Բնակելի համալիրի բոլոր 3 և 4 սենյականոց բնակարաններն ապահովված են լինելու 2 սանհանգույցով։

Բոլոր մասնաշենքերում նախագծային լուծումները իրականացվել են այնպես, որ ցանկության դեպքում բնակարանները հնարավոր լինի միավորել։

Շենքերի սպասարկումը նախատեսվում է իրականացնել կառուցապատողի կողմից, որն էլ իր հերթին կիրականացվի հարմարավետության և համակեցության պահանջներին համապատասխան։

Յուրաքանչյուր բնակարանում խոհանոցային անհրաժեշտ սարքվորումները, հյուրասենյակի և ննջասենյակի անհրաժեշտ կահույքները հնարավոր կլինի տեղադրել՝ նվազագույնի հասցնելով բնակարանի օգտակար մակերեսի կորուստը։