Սիրող Սրտեր Բնակելի Թաղամաս

Սիրող Սրտեր Բնակելի Թաղամաս

Սիրող սրտեր առանձնատնային համալիրը գտնվում Է Երևանի Նոր Նորքի Ջրվեժ թաղամասում` Ձորաղբյուրից հոսող գետակի ափին, որտեղից հեռավորությունը մինչև Հանրապետության հրապարակ` 10 կմ է: Թաղամասից հորիզոնային տեսադաշտում են Մեծ և Փոքր Արարատները, Արագած սարը, Արայի, Հատիս լեռները, Գեղամա լեռնաշղթան: Հարակից անցնում Է Երևան-Ձորաղբյուր ավտոխճուղին, որը թաղամասից 100 մետր հեռավորությամբ հատվում է Գառնի-Կոտայք-Սևան ավտոխճուղու հետ:

3D-Ecopanel արագընթաց, էներգոէֆեկտիվ, մոնոլիտ-շինարարական նոր տեխնոլոգիայի կիրառումը հնարավորություն է տալիս տարածքում նախատեսված որևէ առանձնատան որակյալ, բայց` ցածր արժեքով կառուցումը և վերջնական հարդարումն ավարտել 3-4 ամսվա ընթացքում: Առանձնատների հողամասերի մակերեսները 200-600ք/մ են, իսկ բնակելի տների մակերեսները` 82ք/մ և ավելի:

Տարածքում նախատեսված են ընդհանուր օգտագործման կանաչ գոտի, խաղահրապարակ, մանկապարտեզ, իսկ կենցաղսպասարկման ու ժամանցի բազմատեսակ կառույցները կազմակերպվում են թաղամասի մուտքին հարակից դիրքում և դրանցից օգտվելու պարտադիր վճարներ չեն սահմանվում:

Թաղամասը ապահովվում է առաջին անհրաժեշտության կենցաղսպասարկումներով, մուտքը`պահակակետով, որտեղից մինչև յուրաքանչյուր առանձնատուն ապահովված է հեռախոսակապը: Մոնտաժված է ներքին գիշերային լուսավորության ցանց:

Թաղամասում ընդգրկվող սեփականատերը կարող է կազմակերպության ճարտարապետի և շինարարի հետ համաձայնեցնել բնակելի տների, արտաքին և ներքին հարդարման իր նախընտրած տարբերակները, որոնցում ուղղակի պետք է պահպանվեն որոշակի պահանջներ. Շրջակա տեսարանի և թաղամասում յուրատեսակ ապրելակերպի պահպանման նպատակով առանձնատների հարկայնությունը սահմանափակվում է 2-ով, իսկ ցածր դիրքերում տեղակայվող տները կարող են ունենալ նաև մանսարդային լրացուցիչ հարկ: Այնուամենայնիվ, առանձնատների սեփական բակերը հարևան տների տեսադաշտից դուրս մնալու նպատակով, տների երկրորդ կամ մանսարդային հարկերում պատուհանի բացվածքներ կարող են լինել հարևան հողամասի ցանկապատից առնվազը 4մ. հեռու դիրքերում:
Գինը Պայմանագրային
Կառուցապատող ԷկոՊանել Գրուպ
Հետադարձ Կապ ecopanelgroup@gmail.com / +37493 - 668824, +37410 - 671696