Ալյումոցինկապատ և ցինկապատ թիթեղները շինարարության մեջ օգտագործվող տանիքի ծածկերի երկու ընդհանուր տեսակներ են: Թեև երկուսն էլ ապահովում են կոռոզիայից պաշտպանություն և երկարակեցություն, նրանց միջև կան զգալի տարբերություններ:

• Նյութի կազմը
  • Ալյումոցինկապատ թիթեղները բաղկացած են ալյումինի, ցինկի և սիլիցիումի համակցության շերտով պատված պողպատից: Ալյումինն ապահովում է գերազանց կոռոզիոն դիմադրություն, մինչդեռ ցինկը մեծացնում է նյութի ամրությունը:
  • Ցինկապատ թիթեղները բաղկացած են ցինկի շերտով պատված պողպատից: Ցինկի շերտը հանդես է գալիս, որպես պաշտպանիչ պատնեշ ժանգից և կոռոզիայից:
• Կոռոցիայի հանդեպ դիմադրողականությունը և երկարակեցությունը
  • Ալյումոցինկապատ թիթեղների դիմադրողականությունը կոռոցիայի և ժանգի դեմ շատ ավելի բարձր է՝ համեմատած ցինկապատ թիթեղների հետ: Ալյումինի և սիլիցիումի առկայությունը ապահովում է ուժեղացված պաշտպանություն կոռոզիայից և ժանգից, դարձնելով ալյումոցինկապատ թիթեղները գերազանց լուծում բարձր խոնավությամբ և ափամերձ տարածքների համար: Փորձերը ցույց են տվել, որ ալյումոցինկապատ թիթեղները ծառայում են ավելի քան 50 տարի, ինչը բարձր որակի ցինկապատ թիթեղի դեպքում մոտ 15 տարի է, կախված ցինկի շերտի խտությունից և ցինկապատման որակից։
  • Թեև ցինկապատ ծածկույթով թիթեղները նույնպես ունեն կոռոզիայի հանդեպ դիմադրություն, դրանք կարող են այնքան արդյունավետ չլինել, որքան ալյումոցինկապատ թիթեղները բարձր խոնավությամբ կամ քայքայիչ միջավայրերում: Ցինկի ծածկույթները կարող են ժամանակի ընթացքում մաշվել՝ թողնելով հիմքում ընկած պողպատը, որը խոցելի է ժանգի նկատմամբ:
• Ջերմակայունությունը և լույսի անդրադարձումը
  • Ալյումոցինկապատ թիթեղները ունեն գերազանց ջերմակայունության հատկություն։ Փորձերը ցույց են տվել, որ մինչև 315°C ջերմաստիճանում ընդհանրապես չի գունաթափվում կամ օքսիդացում, գունաթափման և օքսիդացման պրոցեսը սկսում է 400°C-450°C և միայն 500°C հասնելով գունաթափվում է։ Ալյումոցինկապատ թիթեղները նաև ունեն լույսի անդրադարձման հատկություն, անդրադարձնում են լույսը 70%-75%, ինչի շնորհիվ շոգ եղանակին ավելի սառն են մնում՝ նվազեցնելով շենքի ներսում հովացման անհրաժեշտությունը: Լույսի անդրադարձման հատկությունը նաև նպաստում է երկարակեցությանը։
  • Ցինկապատ թիթեղների վրա ջերմակայունության նույն փորձերը կատարելով, ունեցել են հետևյալ արդյունքը․ մինչև 250°C ջերմաստիճանում չի նկատվում գունաթափվում կամ օքսիդացում, 250°C-300°C սկսում է գունաթափման և օքսիդացման պրոցեսը, մոտ 350°C հասնելով գունաթափվում է։Ցինկապատ թիթեղները ունեն նաև ավելի ցածր ջերմային արտացոլում համեմատած ալյումոցինկապատ թիթեղների, անդրադարձնում են լույսը 30%-40%:
• Գինը
  • Ալյումոցինկապատ թիթեղները ավելի թանկ են, քան ցինկապատ թիթեղները՝ իրենց բաղադրության մեջ օգտագործվող լրացուցիչ նյութերի, ինչպես նաև որակական բարձր հատկանիշների շնորհիվ :
  • Ցինկապատ թիթեղները, ավելի մատչելի են:

Նարսան ՍՊԸ-ում այս պահին գործում է ԱԿՑԻԱ ալյումոցինկապատ թիթեղների ամբողջ տեսականու վրա, դրանք կարող եք ձեռք բերել ցինկապատ թիթեղների արժեքով, քանակը սահմանափակ է։