Տեխնոտուն կառուցապատող ընկերությունը ավարտին է հասցնում Երևանի Արաբկիր համայնքում գտնվող Տեխնոդոմ բնակելի շենքի կառուցումը: Նորակառույցը տեղակայված է Վերին Անտառային փողոցի և Սարալանջ պողոտայի հարևանությամբ` Աղբյուր Սերոբի 50 հասցեում։

Նորակառույց բնակելի շենքն ունի 2 մուտք, որոնք նախագծված են ժամանակակից անվտանգության նորմերի համաձայն` հագեցած անհրաժեշտ տեխնիկական լուծումներով: Մոնոլիտ շինությունը ամբողջությամբ ջերմամեկուսացված է բարձրորակ հանքային բամբակով։ Միջհարկային ծածկերը պարունակում են ձայնամեկուսիչ շերտ: Բոլոր բնակարանները ունեն բաց պատշգամբ։

Բնակելի շենքի տանիքում նախատեսված է կանաչապատ նորաձև հասարակական տարածք, որտեղ շենքի բնակիչները կարող են կազմակերպել իրենց ժամանցը և վայելել դեպի Երևան բացվող տեսարանը, իսկ բակային հատվածում գտնվում է լանդշաֆտային նորաոճ լուծումներով զբոսայգի, որտեղ իրենց ապահով հանգիստը կարող են վայելել ինչպես մեծահասակները, այնպես էլ երեխաները։