Ֆեյթ Բիլթ Քոնսթրաքշն ընկերությունը ներկայացնում է բազմաբնակարան բնակելի շենքի նախագիծ, որը գտնվում է Երևան քաղաքի Արաբկիր վարչական շրջանի Արաբկիր 51-րդ փող. 3/1 հասցեում: Շենքն ունի կանաչապատ տարածք: Կողային ճակատներին նախագծված են արևային պանելներ: Շենքն ունի 3 ստորգետնյա, 1 հասարակական, 16 վերգետնյա բնակելի և 1 տեխնիկական հարկեր: 3 ստորգենյա հարկերում նախատեսվում է 3.30 մ բարձրությամբ թվով 62 ավտոկայանատեղի: Վերգետնյա 1-ին հարկում հասարակական տարածքներ են: 2-17 հարկերում նախատեսվում են թվով 76 բնակարան:

Ավտոկայանատեղիների հարկերը միմյանցից մեկուսացված են հակահրդեհային, հրդեհի ժամանակ ինքնափակվող դարպասով: Բոլոր հարկերում աստիճանավանդակները և դռները նախատեսված են հակահրդեհային նորմերին համապատասխան: Բոլոր հարկերից կազմակերպված են էվակուացիոն ելքեր: Հասարակական տարածքների, ավտոկայանատեղիների և բնակելի տարածքների մուտքերն առանձնացված են: Բնակարաններից աստաճանավանդակներ տանող բոլոր դռները ինքնափակվող համակարգով են: Արտաքին դռները, պատուհանները, վիտրաժները ալյումինե պրոֆիլներով են:

Շենքը կառուցված է միաձույլ երկաթբետոնե հիմնակմախքով: Արտաքին պատերը շարված են 3D պանելներից, արտաքինից ջերմամեկուսացված են ժամանակակից նյութերով և երեսպատված տրավերտինե սալերով: Երեսպատման սալիկները հավաքված են պատերին ամրացվող մետաղական համակարգի վրա: Շենքի ծավալատարածական տեսքում առկա են ապակեպատ լուծումներ և վիտրաժներ: Նախագծված են նաև բաց պատշգամբներ և վերին հարկերում բնակարաններից մուտք դեպի տերասաներ: