«Ռոյալ Կլասիկ Հաուզ» բնակելի և բիզնես համալիրն իրենից ներկայացնում է բազմաֆունկցիոնալ շինություն հագեցած համալիր ծառայություններով: Նորակառույցը գտնվում է Հանրապետության հրապարակից 70 մետր հեռավորության վրա` Բուզանդի 3 հասցեում:

Համալիրի ճարտարապետական ձեռագիրը պատկանում է ՀՀ գլխավոր ճարտարապետ, Հայաստանի վաստակավոր ճարտարապետ, պրոֆեսոր, հայկական ավանդական ոճի պաշտպան Նարեկ Սարգսյանին: «Ռոյալ Կլասիկ Հաուզ» բնակելի և բիզնես համալիրի ընդհանուր մակերեսը կազմում է 9000 քառակուսի մետր: Համալիրը 9 վերգետնյա և 2 ստորգետնյա հարկերից բաղկացած շինություն է կազմված բնակելի հատվածից, բիզնես կենտրոնից, փենթհաուսից, կոմերցիոն նշանակության տարածքներից և ստորգետնյա ավտոկայանատեղերից: Համալիրի ճակատային մասի առջևից նախատեսված է ունենալ 6 մետր երկարությամբ հարթակ իր կանաչ գոտիով, ինչպես նաև դիմացի այգուն հարակից բացօդյա ավտոկայանատեղիներ: «Ռոյալ Կլասիկ Հաուզ»-ի բնակելի հատվածը սկսած 2-րդ հարկից բաղկացած է 7 հարկերից և վերջին` 9-րդ հարկում տեղակայված Փենթհաուսից:

Լուրջ մոտեցում է ցուցաբերվել հատկապես բնակիչների համար նախատեսված կենտրոնական մուտքին, որի կարևորագույն բաղադրիչը բարոկկո ժամանակաշրջանի մեծանուն նկարիչ Լորենցո Սաբատինիի «Գործք Առաքելոց» իննը մետրանոց կրկնօրինակն է, ինտերիերը հագեցված է բարձրաշխարհիկ արվեստին բնորոշ արտասահմանից բերված տարրերով. դռներ, մարմարե հատակներ, ոսկեզօծ ջահեր, բրաներ, հայելիներ:

Հարկերից յուրաքանչյուրի արտաքին տեսքը և հետևաբար նաև հարմարությունները տարբերվում են միմյանցից: Միջանցքների ինտերիերը նույնպես կրում են բարրոկո ժամանակաշրջանի դասական դրոշմը` հագեցած դարբնի մանրակրկիտ աշխատանքի արդյունքում ստացված հայկական ավանդական նախշազարդերով: Համալիրի ներքին մակերեսների առաստաղների բարձրությունը կազմում է 3մ 30սմ:

Համալիրի 9-րդ հարկում իր հատուկ տեղն է գրավում Փենթհաուսը՝ լողավազանի և ֆրանսիական այգու հնարավորությամբ, ընդհանուր մակերեսով մոտ 700 ք.մ.: Փենթհաուսից բացվող գեղեցիկ տեսարանում ակնհայտ երևում է ողջ մայրաքաղաքը կենտրոնից և Արարատ լեռն ու Արարատյան դաշտավայրը: