Երևան, 0082, Ծովակալ Իսակովի պող. 8

Ինժեներական Համակարգեր, Մասնագիտացված Շինարարություն և Ծառայություններ

Հատակներ և Առաստաղներ

ԵՐԿԵՐՔՉՈՐՀՆԳՈՒՐԲՇԲԹԿԻՐ

«Հատակշին» ձեռնարկությունը՝ առևտրաարդյունաբերական եւ այլ հատուկ նշանակության հատակների իրականացման լիդերներից մեկը, առաջարկում է KORODUR նյութերով պատրաստված առանձնակի ամուր մաշակայուն հատակներ արդյունաբերության եւ առեւտրի բոլոր բնագավառների համար:

Տրանսպորտային միջոցների եւ մեխանիկական մաշվածության ազդեցությունը
Առաջարկվող մոտեցման հիմքում ընկած է, տեխնիկական առաջադրանքի սահմաններում, հատակի մակերեսի առանձնացում ըստ ազդեցությունների տեսակների ու ձեւի : Այն հատվածները, որոնց վրա ընկնում է ամենամեծ բեռնվածությունները, օրինակ՝ արդյունաբերական սարքավորումների աշխատող մասերը եւ տրանսպորտի շրջադարձի տեղերը, որտեղ հատակները ենթարկվում են առավել մեխանիկական մաշվածության եւ հարվածների ազդեցության, պետք է կիրառվեն հատակներ բարձր որակական ցուցանիշներով: Առաջարկվող հատակի միջին մաշակայունությունը կազմում է 0.01-0.04 մմ տարեկան : Ամրությունը ըստ Մոոսի՝ 8-9: Սեղմման ամրությունը (28 օր անց) ՝ > 75 Ն/մմ2:

Կայունություն քիմիկատների ագրեսիվ գործողությունների նկատմամբ
Անհրաժեշտ է հաշվի առնել հատակի ծածկույթի կայունությունը, ինչպես առանձին քիմիկատների, այնպես էլ դրանց ռեակցիաների հետեւանքով առաջացած նյութերի ազդեցությանը: Կարեւոր է գնահատել քիմիկատների ագրեսիվության աստիճանը թափվելուց եւ գոլոշացումից հետո, ինչպես նաեւ բարձր ջերմաստիճանի դեպքում, պահեստային շինություններում եւ բեռնաբարձման տարածքներում, հնարավոր է թթուների եւ հիմքերի ագրեսիվության ուժգնացում: KORODUR ծածկույթի քիմիապես կայունությունը հաշվարկված է երկարատեւ գոյացմանը PH>3 միջավայրում :

Ջերմաստիճանների ազդեցությունը
Արդյունաբերական հատակների վաղաժամկետ քայքայման գլխավոր պատճառներից մեկը, արտադրական սարքավորումների աշխատող եւ դրանց հարակից տարածքներում, ջերմաստիճանների տատանումն է: Այն տեղամասերում, որտեղ տեղակայված են ավտոկլավ կայանները, սննդի պատրաստման, ստերելիզացման, կտրուկ սառեցման սարքավորումները, նույնպես բնորոշ է որոշակի ջերմաստիճանի տատանում: Այդ տեղանքները պահանջում են հատուկ խնամք: KORODUR հատակները շահագործվում են -50C մինչեւ +250C ջերմաստիճաններում:

Կայունություն սայթակումների նկատմամբ
Հետիոտի համար նախատեսված տարածքները, կախված տեղանքի նշանակությունից, մակերեւույթի խոնավությունից եւ մաքրման պայմաններից, պահանջում են տարբեր դիմադրողականություններ սայթակումների նկատմամբ: Թվարկված պայմաններին համապասխանում են անողորքության օպտիմալ ցուցանիշներ ունեցող մակերեւույթները: Շփման գործակիցը՝ չոր հատակի դեպքում 0.73 եւ խոնավ հատակի՝ ոչ պակաս 0.53 :

Հիգիենա
Բազմաթիվ ժամանակակից արդյունաբերության ոլորտներ, օրինակ՝ դեղագործական, սննդի, հյութերի արտադրություն, քիմիական, էլեկտրոնային, ունեն նմանատիպ, բավականին բարձր հիգիենայի պահանջներ: Այդ արդյունաբերության պրոգրեսիվ ոլորտներում անհրաժեշտ են «մաքուր տեղանքներ»: Առաջարկվող հատակները չեն գոյացնում փոշի եւ համապատասխանում են մաքրության պայմաններին:

Հաղորդիչ / անտիստատիկ հատակ
Էլեկտրահաղորդիչ եւ անտիստատիկ հատակները կիրառում են զգայուն էլեկտրոնային սարքերի պաշտպանության եւ հրակայուն արտադրությունում ստատիկ լիցքեր չկուտակելու համար:Այդ խնդիրները ապահովելու համար, անհրաժեշտ է որոշել էլեկտրական դիմադրության եւ անհրաժեշտ հաղորդակցման աստիճանը:KORODUR հատակների էլեկտրական դիմադրությունը՝ 104 եւ 108 OM միչեւ է

Կայուն է ուլտրամանուշակագույն ճառագայթների նկատմամբ
Շահագործման ողջ ընթացքում անհրաժեշտ է հաշվի առնել ծածկույթի հատկությունների պահպանումը: Արեւ լույսի ազդեցությունը, հատկապես ինտենսիվ ուլտրամանուշակագույն ճառագայթների, կարող է ժամանակի ընթացքում գունաթափել եւ քայքայել ծածկույթը: Առաջարկվող հատակը ուլտրամանուշակագույն ճառագայթներից չի կորցնում իր գույնը:

Լայն գույնային երանգներ
Գույնը, որպես դիզայնի ֆունկցիոնալ եւ էմոցիոնալ էլեմենտ, ներառում է գույնային իմաստ եւ արտացոլում է լույսային իմպուլս: Աշխատանքի վայրում ճիշտ ընտրած գույնային երանգը դրական է ազդում մարդու վրա : Ուստի մենք KORODUR-ի հետ միասին առաջարկում ենք լայն գույնային երանգների տեսականի:

Վտանգավոր նյութերի բացակայություն
Նյութերի օգտագործումը երբեմն կապված է առողջությանը վտանգ ներկայացնող քիմիական նյութերի կտրուկ հոտերի հետ: KORODUR հատակները պատկանում են վտանգավոր նյութեր չպարունակող էկոլոգիապես մաքուր ծածկույթների դասակարգին:

Korodur հատակները կիրառվում են հանրային տնտեսության գրեթե բոլոր բնագավառներում՝

• ավտոմոբիլային արդյունաբերություն
• քիմիական արդյունաբերություն
• էլեկտրոնային արդյունաբերություն
• ավիացիոն եւ ռազմական արդյունաբերություն
• գյուղատնտեսություն
• տրանսպորտ եւ էներգետիկա
• առեւտուր եւ սպասարկում
• սննդի արդյունաբերություն
• կոսմետիկայի արդյունաբերություն
• շինանյութերի եւ մետաղավերամշակման արդյունաբերություն
• թղթի արդյունաբերություն եւ հրատարակություն
• դեղագործական արդյունաբերություն
• տեքստիլ արդյունաբերություն
• պահեստային շինություններ
• արդյունաբերական սառնարաններ
• ավտոկանգառներ
• ընդհանուր նշանակության բաց հրապարակներ

hatakshin.construction.am