Արա Մարգարյան

Երևան, 0054, Դավթաշեն 4-րդ թաղ. 38, տարածք 51

ԵՐԿԵՐՔՉՈՐՀՆԳՈՒՐԲՇԲԹԿԻՐ

Արդյունաբերական և Տրանսպորտային Շինարարություն

Շինարարության Իրականացման և Տեխնիկական Փաստաթղթերի Կազմման Լիցենզիաների Առկայություն

«Պրետոր» ՍՊԸ-ն հիմնադրվել է 2021 թվականի մարտի 22-ին և գործունեություն է ծավալում շինարարության, ինժեներական ենթակառուցվածքների և տրանսպորտային կառույցների ոլորտներում։ Ընկերության հիմնական գործունեությունն ուղղված է խոշոր և բարդ ենթակառուցվածքային նախագծերի իրականացմանը՝ ներառելով ճանապարհաշինություն, կամուրջների և տրանսպորտային կառույցների կառուցում ու հիմնանորոգում, ինչպես նաև ինժեներական կառույցների շահագործում և տեխնիկական սպասարկում։

«Պրետոր»-ի ծառայությունների շրջանակը ներառում է արդյունաբերական, տրանսպորտային, հիդրոտեխնիկական և էներգետիկ կառույցների շինարարություն, թունելների և կամուրջների կառուցում, ճանապարհաշինություն և ասֆալտապատում, ինչպես նաև գազատարների, էլեկտրահաղորդման գծերի, ջրամատակարարման և ջրահեռացման խողովակաշարերի կառուցում։

Ընկերության գործունեության կարևոր ուղղություններից է խոշոր ենթակառուցվածքային օբյեկտների շահագործումն ու պահպանումը։ 2025 թվականին «Պրետոր» ՍՊԸ-ն իրականացրել է Երևանի տրանսպորտային համակարգի համար ռազմավարական նշանակություն ունեցող մի շարք ինժեներական կառույցների շահագործման և պահպանման աշխատանքներ։ Դրանց թվում են Հրազդան գետի Մեծ կամուրջը, Հաղթանակի և Դավթաշենի կամուրջները, Երևանի ՀԷԿ-ի մոտ գտնվող կամուրջը, Բարեկամության հրապարակի բազմամակարդակ տրանսպորտային հանգույցը, ինչպես նաև Հերացի, Սարալանջ և Ավետիսյան փողոցները միացնող նոր մայրուղու էստակադան և կամրջային անցումները։

Ընկերության սպասարկման շրջանակում ընդգրկվել են նաև Դավթաշենի տրանսպորտային հանգույցի կենտրոնական և օժանդակ ուղեանցերը, Ռիգայի և Սարալանջի փողոցների միացման ուղեանցը, Մյասնիկյան–Աճառյան մայրուղու և Երևան–Սևան ավտոճանապարհի ուղեանցերը, ինչպես նաև Գ. Նժդեհի, Գալշոյան, Վատուտինի, Իսակովի պողոտայի և Սեբաստիա փողոցի հատման ուղետարերը։ Աշխատանքներն ընդգրկել են նաև Արգավանդի, Արին-Բերդի, Խանջյան և Շիրակի փողոցների, Աբովյան պուրակի և Օրբելի–Բաղրամյան խաչմերուկի ինժեներական կառույցները։ 2026 թվականի հունիսի 17-ից «Պրետոր» ՍՊԸ-ն մեկնարկել է Երևանի կարևոր տրանսպորտային ենթակառուցվածքներից մեկի՝ Կիևյան կամրջի վերանորոգման աշխատանքները։ Ծրագրի նպատակն էր բարձրացնել կամրջի անվտանգությունը, տեխնիկական վիճակը և շահագործման հուսալիությունը։ Հանրային և տրանսպորտային նշանակություն ունեցող այս աշխատանքներն ընկերությունն ավարտել է նախատեսված ժամկետից 15 օր շուտ։

«Պրետոր»-ը շարունակաբար զարգացնում է իր ինժեներատեխնիկական կարողությունները, կատարելագործում աշխատանքային գործընթացներն ու արդիականացնում տեխնիկական միջոցները՝ Հայաստանում շինարարության, կամուրջաշինության և ենթակառուցվածքների պահպանման ոլորտներում իր մասնագիտական ներուժն ընդլայնելու և նոր խոշոր նախագծեր իրականացնելու նպատակով։

Ընկերության գործունեության հիմքում են որակը, անվտանգությունը, տեխնիկական ճշգրտությունը և պատասխանատվությունը՝ յուրաքանչյուր նախագծի իրականացման բոլոր փուլերում։