«Կորեայի ձոր»-ի կամուրջը, որն ունի 50 տարվա պատմություն, նոր հնարավորություններ կբացի մայրաքաղաքի համար։ Երևանի քաղաքապետարանի աշխատակազմի Տեղեկատվության և հասարակայնության հետ կապերի վարչությունից տեղեկացրեցին, որ կամուրջը հիմնանորոգվելու է։ Այն Դավթաշենը ուղիղ կապով միացնում է Քանաքեռ-Զեյթուն վարչական շրջանին և միաժամանակ հնարավորություն է տալիս գնալ դեպի Կոտայք ու Արագածոտն: Աշտարակ կամ Զովունի գնալու համար վարորդներն այս կերպ շրջանցում են Կենտրոն, Արաբկիր, Աջափնյակ, որոշակիորեն նաև Դավթաշեն վարչական շրջանները: Ծրագիրը կոչված է բեռնաթափելու մայրաքաղաքի երթևեկությունը։ Ըստ քաղաքապետարանի՝ շինարարական աշխատանքներն արդեն մեկնարկել են. «Մենք հնարավորություն ենք ունենում առանց քաղաք մուտք գործելու միանգամից դուրս գալ դեպի Թբիլիսյան խճուղի, որը և՛ երթևեկության հոսքը կնվազեցնի, և՛ քաղաքացիներին հնարավորություն կտա անվտանգ երթևեկելու: Այնուամենայնիվ, կամրջի վերանորոգումով չենք կարող սահմանափակվել, պետք է նաև ճանապարհը նորոգել, որպեսզի այն իր ողջ հնարավորությամբ կարողանա նպատակին ծառայել։ Շրջանցող ճանապարհներից մեկը նաև այս կամուրջն է, որից շատ հաճախ չեն օգտվում մեր քաղաքացիները, քանի որ անմխիթար վիճակում է: Անցած տարի նախատեսեցինք նախագծային փաստաթղթերը, և այս տարի արդեն ունենք բարեհաջող անցած մրցույթ, որով էլ սկսվել է շինարարությունը»,- նշում է Երևանի քաղաքապետի առաջին տեղակալ Հրաչյա Սարգսյանը: Նկատենք, որ քաղաքապետարանի հաղորդագրության համաձայն ի սկզբանե նախատեսված էր ամրացնել կամուրջն ու նոր երթևեկելի գոտի կառուցել, սակայն ուսումնասիրության արդյունքում պարզվել է, որ կամրջային կառուցվածքի հիմքերը վթարային վիճակում են, ինչի պատճառով որոշվել է հիմնովին նոր կամուրջ կառուցել: Այս մասին փաստել է նաև Կամրջային երկաթբետոնե կոնստրուկցիաների գործարանի տնօրեն Մինաս Մինասյանը․ «Փաստացի պետք է կամուրջն ամբողջությամբ քանդենք և նորից կառուցենք: Գոյություն ունեցողը հիմա 4մ է, դառնալու է 8մ երթևեկելի մասը, լինելու են նաև երկկողմանի մայթեր»։ Իհարկե ներկայացված ծրագիրը հետաքրքիր է, սակայն մի դեպքում Կամրջային երկաթբետոնե կոնստրուկցիաների գործարանի տնօրենը ասում է, որ եղած կառույցը ամբողջությամբ պետք է քանդել և նորը կառուցել, իսկ Երևանի քաղաքապետարանի առաջին տեղակալը խոսում է հիմնանորոգման մասին և հաղորդագրության մեջ հստակ ասված է, որ հիմնանորոգման համար համայնքային բյուջեից 62 մլն դրամ է հատկացվելու։ Աշխատանքները նախատեսվում է ավարտել այս տարվա աշնանը:

Առաջին անգամ Հայաստանում՝ REAL ESTATE AND CONSTRUCTION FORUM: Փակ միջոցառում, մուտքը՝ միայն հրավիրատոմսով: Անշարժ գույք և կառուցապատում ոլորտն մեկ հարկի տակ. Կառուցապատող ընկերություններ Ճարտարապետական գրասենյակներ Շինարարական նյութերի մատակարարներ Շինարարական տեխնիկայի մատակարարներ Բանկային համակարգ Քաղաքապետարանի համապատասխան ենթակառույցներ 12 ելույթ, 150 հյուրեր, 80 ընկերություններ Մանրամասների համար՝ 094650006, 094650096:

Հարգելի գործընկեր Պրոմ Էքսպո ընկերությունը հրավիրում է Ձեզ այցելել տարածաշրջանի ամենախոշոր ՇԻՆԱՐԱՐՈՒԹՅՈՒՆ ԵՎ ԻՆՏԵՐԻԵՐ 2021 13-րդ միջազգային մասնագիտացված ցուցահանդեսը, որը տեղի կունենա 2021թ-ի մայիսի 14-16 -ը YerevanExpo ցուցահանդեսային համալիրում (Հ.Հակոբյան 3): ՇԻՆԱՐԱՐՈՒԹՅՈՒՆ ԵՎ ԻՆՏԵՐԻԵՐ 2021 ցուցահանդեսին մասնակցում են բնագավառը ներկայացնող տեղական և արտասահմանյան ավելի քան 120 կազմակերպություններ Հայաստանից, Ռուսաստանից, Իրանից, Գերմանիայից, Իտալյայից և այլ երկրներից, որոնք սպառողին կներկայացնեն տվյալ ոլորտի նորամուծություններն ու նոր տեխնոլոգիաները: Ցուցահանդեսի գլխավոր հովանավոր` ԱԷՍ ԹՐԵՅԴ ՍՊԸ Ցուցահանդեսի պլատինե հովանավոր` ՆԱՐԵԿ ՍՊԸ