ՕՀՄ ԷՆԵՐՋԻ

Հիմնադրվել է՝ 2016

Դիտումներ՝ 16604

Սևակ Գևորգյան

Երևան, 0070, Ալեք Մանուկյան փող․ 15ա

ք. Գյումրի Ղանդիլյան փող., 24 շենք, բն.35
ք. Կապան Թումանյան փող. 3/2
ք. Եղվարդ Երևանյան փող. 45 տաղավար
Սյունիքի մարզ, Սիսիան համայնք Շաքիի տարածք, Երևան-Մեղրի ավտոմայրուղու 200-րդ կիլոմետր, 7 շենք

(37411) - 220880, (37477) - 245246, (37444) - 220881 ք. Գյումրի (37493)-066956, ք. Կապան (37441) - 770878, ք. Եղվարդ (37493) - 228500 ք.Սիսիան (37433) - 330777

Ինժեներական Համակարգեր, Մասնագիտացված Շինարարություն և Ծառայություններ

Էներգիայի Վերականգնվող Աղբյուրների Օգտագործում

Էլեկտրամատակարարում և Լուսավորություն

Վաճառք՝

Էներգիայի Վերականգնվող Աղբյուրների Սարքավորանք
Արևային Էներգետիկայի Սարքավորումներ

Ներմուծում՝

Էներգիայի Վերականգնվող Աղբյուրների Սարքավորանք
Արևային Էներգետիկայի Սարքավորումներ

Էլ․ Փոստ Կայք

Աշխատանքային Օրեր / Ժամեր

ԵՐԿԵՐՔՉՈՐՀՆԳՈՒՐԲՇԲԹԿԻՐ

Հայտարարություններ

2022-12-15
«ՕՀՄ Էներջի». արեւային ինովացիոն լուծումներն արդեն Հայաստանում են

Հայաստանն ունի արևային էներգիայի մեծ ներուժ. 1մ2 հորիզոնական մակերևույթի վրա արևային էներգիայի հոսքի միջին տարեկան արժեքը կազմում է 1720 կվտժ/մ2, իսկ հանրապետության տարածքի մեկ քառորդն օժտված է տարեկան 1850 կՎտԺ/մ2 ինտենսիվությամբ արևային էներգիայի պաշարներով: Արևային կայանների արտադրողականությունը վահանակների տեսանկյունից կախված է երեք հիմնական կարևոր եղանակային պայմաններից, որոնք են՝ օդի մաքրություն, ջերմաստիճան, արևի ճառագայթման ինտենսիվություն: Ընդ որում՝ քանի որ ՀՀ տարածքում առկա են կլիմայի գրեթե բոլոր տարատեսակները` չոր մերձարևադարձայինից մինչև ցուրտ բարձրլեռնային, ապա ավելի բարձր է արտադրողականությունը մաքուր օդի, ավելի ցածր ջերմաստիճանի և արևային բարձր ինտենսիվության միաժամանակյա ապահովման պայմաններում․ դա է պատճառը ելքային մեծ արտադրողականության և ավելի մեծ եկամուտների, որով էլ պայմանավորված է նաև տեղական և դրսի ներդրողների մեծ հետաքրքրվածությունն այս ոլորտում։ «ՕՀՄ ԷՆԵՐՋԻ». Հին էներգետիկ համակարգերի վերջ եւ վերականգնվող էներգետիայի սկիզբ «ՕՀՄ ԷՆԵՐՋԻ» ընկերության հիմնադրման նախադրյալները ձևավորվել են դեռևս 2004-ից, երբ ուսանողական տարիներին հիմնադիրներ Գեւորգ Հախվերդյանը, Սեւակ Գեւորգյանը եւ Հրանտ Գնունին նոր սկսում էին ծանոթանալ էներգետիկ ոլորտի հիմնախնդիրներին և հասկացան, որ ունեն իրենց մեծ անելիքն այս ոլորտում։ Արդեն իսկ 2008-ից նրանք իրականացնում էին լաբորատոր հետազոտություններ և գրում գիտական հոդվածներ՝ հիմնական շեշտը դնելով վերականգնվող էներգետիկայի ոլորտի վրա։ Իսկ արդեն 2016-ին հասունացել էր գիտական և գործնական փորձը բիզնեսի ասպարեզ բերելու պահը, և «ՕՀՄ Էներջի» ընկերության հիմնադրումը չուշացավ։ Ընկերության տեսլականն է. Ինչու՞ «ՕՀՄ Էներջի»։ Նախ «ՕՀՄ Էներջի» ընկերության համահիմնադիրները, լինելով էլեկտրաէներգետիկական համակարգերի ոլորտում գործունեություն ծավալող անձինք, այդ թվում՝ էլեկտրական էներգիայի արտադրության, հաղորդման և բաշխման, դրանց կառավարման, ավտոմատացման, պաշտպանական համակարգերի, ջերմային մասի, ինչպես նաև էներգետիկայի տնտեսագիտության և բնապահպանության ոլորտում, շեշտը դրեցին ընդհանուր էներգետիկական լուծումներ ստեղծելու, դրանց մեթոդների բարելավման և կիրառման վրա, իսկ գերմանացի ֆիզիկոս Օհմի օրենքը ֆիզիկայի ֆունդամենտալ օրենքներից է, որն օգտագործվում է գրեթե ամենուր։ Բացի դրանից, Միավորների միջազգային համակարգի էլեկտրական դիմադրության միավորը Օհմն է՝ ի պատիվ Գեորգ Օհմ-ի, իսկ սիմվոլը՝ Ω։ Ի դեպ, ընկերության լոգոյի հիմքում էլ ընկած է օմեգա սիմվոլը, որն այս դեպքում արտացոլում է արևի և վահանակի կոմբինացիան։ Այսպիսով՝ ընտրելով «ՕՀՄ Էներջի» անունը՝ փորձել են արտահայտել ընկերության հիմնական գաղափարները ոչ միայն արևային, այլև ընդհանուր էներգետիկական լուծումների մեջ։ Բացի դրանից, լոգոն բնութագրում է օմեգա («Ω») խորհրդանիշը, որը, ըստ լատինական ծագման, հաճախ, նշանակում է ինչ-որ բանի վերջը. այս դեպքում՝ հին էներգետիկ համակարգերի վերջ և վերականգնվող էներգետիայի սկիզբ: Արեւային կայանների բաղադրիչ տարրերը եւ դրանց կարեւորությունը համակարգի անխափան աշխատանքի համար Եթե խոսում ենք ցանցային արևային կայանների մասին, ապա պետք է առանձնացնել արևային վահանակները և կերպափոխիչները։ Իհարկե, կարևոր են նաև կրող կոնստրուկցիաները, ավտոմատիկան և պաշտպանական սարքավորումները, կայանի նախագծի առկայությունը, հողանցման կոնտուրը և այլն։ Ինչ վերաբերում է վահանակներին, ապա պետք է նշել, որ վատ որակի պանելները հանգեցնում են կայանի արտադրողականության նվազմանը։ Սա ֆինանսական տեսանկյունից, իսկ տեխնիկական տեսանկյունից վատ որակի հումքից պատրաստված վահանակները կարող են առաջացնել hot-spot կոչվող երևույթները, որոնք պատճառ են հրդեհների առաջացման և նվազեցնում են կայանի անվտանգության մակարդակը։ Տեխնիկապես կայանի սիրտն են համարվում արևային կերպափոխիչները։ Եվ քանի որ «Օհմ Էներջի» ընկերության հիմքում դրված է բացառապես բարձր որակի ապրանքների կիրառումը, ապա, «ՕՀՄ»-ի փորձագետներն առաջարկում են համաշխարհային «Huawei» ընկերության կերպափոխիչները՝ որպես բարձրակարգ և անվտանգ արևային լուծումներ։ Բացի դրանից, «Huawei» ընկերությունը «Օհմ Էներջի»-ի հետ համատեղ Հայաստանում արդեն առաջարկում են նորարարական սմարթ լուծումներ թիրախային բոլոր սեգմենտների համար, այդ թվում՝ հիբրիդ համակարգերի կիրառում նույնիսկ եթե էլեկտրացանցից ունեք անջատումներ։ Քանի որ արևային կայանից արտադրված էլեկտրաէներգիայից անմիջապես սնվում են Ձեր տան կամ օբյեկտի էլեկտրական սարքերը, ապա կայանից առաքվող էլեկտրաէներգիայի որակն անմիջապես ազդում է այդ սարքերի աշխատանքի վրա։ Իսկ ելքային էլեկտրաէներգիայի որակի պատասխանատուն գլխավորապես համարվում է հենց ինվերտորը։ «Huawei» ինվերտորները զինված են անհրաժեշտ բոլոր պաշտպանական սարքավորումներով և ավտոմատիկայով, որոնք համապատասխանում են միջազգային և տեղական բոլոր ստանդարտներին, իսկ այս տեսակի կերպափոխիչների կիրառումը զերծ կպահի Ձեր արևային ֆոտոէլեկտրական համակարգը մի շարք խնդիրներից՝ որոշ էլեկտրական ապարատներում ավելորդ աղմուկի առաջացումից, որոշ էլեկտրական շարժիչների և տրանսֆորմատորների ավելորդ տաքացումից, որը հանգեցնում է էլեկտրաէներգիայի կորուստների, թվային ժամացույցների ու սինքրոնիզացման սխեմաների աշխատանքային ռեժիմների խախտումներից, ընդհուպ մինչև կրկնակի անգամ, զգայուն էլեկտրոնային սարքավորումների սնուցման բլոկների (блок питания) վնասումից: կայանի հետգնման ժամկետի երկարացումից, էլեկտրոնիկայի և կենցաղային տեխնիկայի ժամանակից շուտ վնասումից, այսինքն՝ ծառայության ժամկետի կրճատումից, օրինակ, օդորակիչի կոմպրեսորը կարող է շարքից դուրս գալ ավելի շուտ, քան նախատեսված էր գործարանի կողմից։

2022-08-04
Լիտվական արևային կայանները Հայաստանում էլեկտրաէներգիա կարտադրեն․

Լիտվական արևային կայանները Հայաստանում էլեկտրաէներգիա կարտադրեն. Լիտվական «Solet Technics» ընկերությունը, հայաստանյան գործընկեր «ՕՀՄ Էներջի» ընկերության հետ սկսում է արևային կայանների տեղադրման աշխատանքները։ Գումարային 115 կՎտ հզորությամբ արևային կայանների արտադրած էլեկտրաէներգիան կօգտագործվի Հայաստանում գործող ութ հասարակական հաստատությունների կողմից՝ դպրոցներ, մանկապատանեկան կենտրոններ և թանգարան: Ծրագիրը ֆինանսավորվում է Կլիմայի փոփոխության ծրագրի կողմից, որը կառավարում է Բնապահպանական նախագծերի կառավարման գործակալությունը (EPMA): Միջոցների գրեթե մեկ երրորդը` ավելի քան 40,000 եվրո, տրամադրվում է Solet Technics-ի և նրա գործընկերների կողմից: Ըստ Solet Technics-ի գործադիր տնօրեն Անդրիուս Կարազինասի կանխատեսումների արևային կայանները միասին տարեկան կարտադրեն մոտավորապես 163,000 կՎտժ էլեկտրաէներգիա: Սա կապահովի այս հաստատություններում ներկայումս սպառվող էլեկտրաէներգիայի գրեթե 86 տոկոսը: «Այս պահի դրությամբ դպրոցները, թանգարանները, մանկապատանեկան կենտրոններն օգտագործում են էլեկտրացանցից ստացվող էլեկտրաէներգիան, իսկ ջեռուցումը կազմակերպում են բնական գազով և դիզվառելիքով։ Արևային կայանը կօգնի նրանց հասնել կրթական և համայնքային զարգացման նպատակներին, ինչպես նաև անխուսափելիորեն կնպաստի շրջակա միջավայրի պահպանմանը և կյանքի որակի բարձրացմանը։ Մենք կարծում ենք, որ այս արևային կայանների տեղադրումը կխթանի ողջ երկրում վերականգնվող էներգիայի աղբյուրներին անցում կատարելու գործընթացին»,- ասում է պարոն Կարազինասը։ Գործադիր տնօրենի խոսքով, ծրագրի իրականացման աշխատանքները սկսվել են այս տարվա փետրվարի վերջին՝ EPMA-ի հետ պայմանագիր կնքելուց հետո: Համաճարակի սահմանափակումների պատճառով կազմակերպչական աշխատանքները և գնումները նախատեսվածից ավելի երկար տևեցին, սակայն արևային կայանները վերջապես պատրաստ են տեղադրման, և անհրաժեշտ բոլոր սարքավորումները ներկայումս տեղափոխվում են Հայաստան։ «Արևային կայանների տեղադրումը նախատեսված էր հոկտեմբեր-նոյեմբեր ամիսների վերջին, սակայն COVID-19-ի դեպքում միշտ կա ժամկետները հետաձգելու հնարավորություն։ Հուսանք՝ մեզ կհաջողվի ապագայում խուսափել դրանից։ Մենք նախատեսում ենք հաջորդ տարվա փետրվարին ավարտել բոլոր աշխատանքները և անհրաժեշտ փաստաթղթերը կազմակերպելու ընթացակարգերը»- ասում է պարոն Կարազինասը։

2021-10-04
11.7 կՎտ հզորությամբ ցանցային արևային կայան Երևանի Մալաթիա Սեբաստիա վարչական շրջանում

Երևանի Մալաթիա Սեբաստիա վարչական շրջանում OHM Energy-ի կողմից տեղակայված 11,7կՎտ պիկային հզորությամբ արևային կայանի օգնությամբ սեփականատերը կկարողանա այսուհետ տարեկան խնայել 842 հազար դրամ։ ☑️ 30 հատ ???????? գերմանական AE SOLAR վահանակ՝ յուրաքանչյուրը 390Վտ հզորությամբ, ☑️ 10կՎտ հզորությամբ կերպափոխիչ՝ SMA Solar Technology Sunny Tripower ☑️ կայանի արտադրողականությունը՝ 17550 կՎտժ/տարի ☑️ կայանը համալրված է ավտոմատիկայով, պաշտպանական և մոնիթորինգի սարքերով։ ✅ Խնայի՛ր ավելին՝ ներդրում կատարելով միայն բարձր որակի մեջ։ ______ ???? Ալեք Մանուկյան 15ա ☎️ (011) 220-880, +374 77 245246

2021-08-18
586,17կՎտ ընդհանուր հզորությամբ ցանցային արևային ֆոտովոլտային կայան թռչնաբուծական ֆաբրիկայի կարիքների համար․․․

586.17կՎտ հզորությամբ արևային կայանի տեղակայումն իրականացվել է 5 ինվերտորներով։ Նախատեսվել են պաշտպանական և հակավթարային սարքավորումներ՝ կարճ միացման և ոչ սինուսոիդալ հոսանքերից, գերլարումներից, լարման կտրուկ փոփոխություններից, զրոյական հաղորդալարի խզման հետևանքով առաջացած խնդիրներից և այլ բնույթի խափանումներից խուսափելու համար: Հարակից տարածքում հաստատուն և փոփոխական հոսանքի շղթաների համար տեղակայվել է 4 Օհմ - ից փոքր օջախի դիմադրությամբ հողանցման կոնտուր։ Մանրամասն․ ➡️ https://bit.ly/3AcujZN

2021-02-12
Բացարձակ Սև արևային վահանակներ AR SOLAR -ից

Մեր գործընկեր AE SOLAR ընկերությունը վերջերս ներկայացրեց բացարձակ սև, փայլուն, արևային ֆոտովոլտային պանելների նոր ECLIPSE շարքը։ AE Solar-ը, էլեգանտ դիզայնով և բարձր հզորությամբ Eclipse շարքի ֆոտովոլտային պանելների միջոցով, նոր որակ է ստեղծում արևային էլեկտրաէներգիայի միջազգային շուկայում։ OHM ENERGY-ն հանդիսանում է AE SOLAR-ի բացառիկ ներկայացուցիչը Հայաստանում։

2021-02-12
1 ՄՎՏ հզորությամբ համակարգային արևային կայան Թալինում

Թալինի Կարմրաշեն համայնքում տեղակայվել է առաջին արևային համակարգային կայանը՝ նախագծված աշխարհում առաջատար գերմանական գերհզոր արտադրող SMA Solar Technology կերպափոխիչներով։ Կայանի հզորությունը 800․28կՎտ է, Արտադրողականությունը՝ 1,300,000 կՎտժ/տարի, CO2 – ի արտանետումների կրճատումը՝ 480 տոննա/տարի։ Տեղադրվել են 2106 հատ «AE SOLAR EXTREME» 380Վտ հզորությամբ արևային վահանակներ։ Համակարգն ամբողջովին ավտոմատացված է և հագեցած SMA պաշտպանական սարքավորումներով։ Զբաղեցրած մակերեսը՝ 9100 մք։ OHM ENERGY-ն հանդիսանում է AE SOLAR-ի բացառիկ ներկայացուցիչը և SMA Solar Technology-ի պաշտոնական գործընկերը Հայաստանում: Խնայի՛ր ավելին՝ ներդրում կատարելով միայն բարձր որակի մեջ։

2020-04-02
Ջեռուցում արևային էներգիայի կիրառմամբ

"OHM ENERGY" - ն առաջարկում է Ձեր բնակարանների, գրասենյակների և այլ օբյեկտների ջեռուցման իրականացում էլեկտրական եղանակներով։ Տեղադրե՛ք արևային համակարգեր և ջեռուցումն այլևս անվճար կլինի։

2020-04-02
5.3 ՄՎտ հզորությամբ արևային ֆոտովոլտային կայան Գեղարքունիքի մարզում

5.3 ՄՎտ - ի պայմանագիր և ևս 3 ՄՎտ - ի հուշագիր Ս.թ. մարտի 15 - ին OHM ENERGY - ն կնքեց պայմանագիր Սոլար Ֆարմ ընկերության հետ Գեղարքունիքի մարզի Աղբերք համայնքում 5.3 ՄՎտ հզորությամբ արդյունաբերական մասշտաբի արևային ֆոտովոլտային կայան կառուցելու համար☀️, ինչպես նաև 3 ՄՎտ հզորությամբ կայանի կառուցման համար՝ հուշագիր: Վահանակների մատակարար է հանդիսանում գերմանական AE SOLAR ընկերությունը: Շնորհակալություն ենք հայտնում OHM ENERGY ընկերության տնօրեն Sevak Gevorgyan - ին, AE SOLAR ընկերության վաճառքի փոխտնօրեն Irakli Ubilava - ին և Սոլար Ֆարմ ընկերության տնօրեն Tigran Vardanyan - ին: Հիշեցնենք, որ OHM ENERGY - ին հանդիսանում է AE SOLAR ընկերության էքսկլյուզիվ ներկայացուցիչը Հայաստանում:

2020-04-02
OHM ENERGY. նորարարությունը որպես հաջողության գործոն

Հպարտությամբ ներկայացնում ենք համաշխարհային ֆոտովոլտային շուկայում առաջատար, արևային ինվերտորների գերհզոր արտադրող SMA Solar Technology ընկերության ապրանքատեսականին Հայաստանում: SMA - ն իդեալական ինվերտոր է լայնամասշտաբ առևտրային և արտադրական կայանների համար։ Ոչ միայն ապահովում է բացառիկ բարձր արտադրողականություն, այլ նաև առաջարկում է նախագծման հսկայական ճկունություն և համատեղելիություն բազմաթիվ ֆոտոէլեկտրական մոդուլների հետ՝ շնորհիվ դրա բազմաշարք հնարավորության և մուտքային լարման լայն տիրույթի։Եռաֆազ ինվերտորներն ուղեկցվում է ցանցի ղեկավարման առաջնային ֆունկցիաներով, ինչպես օրինակ, ներկառուցված «Plant Control» - ով, որը թույլ է տալիս ինվերտորին կարգավորել ռեակտիվ հզորությունն ընդհանուր կցման կետում։ Առանձին կարգավորիչների կարիք այլևս չկա՝ նվազեցնելով համակարգի ծախսերը։

2020-04-02
Խնայե՛ք Ձեր դրամական միջոցները

Դուք նույնպե՞ս ցանկանում եք նվազեցնել Ձեր ամենամյա էլեկտրաէներգիայի կամ ջեռուցման ծախսերը, խնայել դրամական միջոցներ և ունենալ անվտանգ ֆոտոէլեկտրական համակարգեր, ուրեմն՝ կապնվե՛ք մեզ հետ, և, արդյունքում, կստանաք⤵️ ????Անվճար խորհրդատվություն և չափագրում, ????Առաջարկի՝ գին-որակ օպտիմալ համադրություն, ????Սերտիֆիկացված ապրանքների և հուսալի համակարգերի տեղակայում: Հասցե՝ Ալեք Մանուկյան 15ա info@ohmenergy.am (011) 220 - 880 (077) 245-246, (044) 220 - 881

2019-12-26
Արևային կայաններ։ Արժեքի 20%-ը ստացե՛ք Ձեր հաշվին անհատույց Եվրոպական բանկի կողմից

Բացառիկ առաջարկ իրավաբանական անձանց համար՝ ԱՄԵՐԻԱԲԱՆԿԻ հետ համատեղ! Տեղադրե՛ք արևային համակարգեր և արժեքի 20 % - ը ստացե՛ք անհատույց Ձեր հաշվին` ՎԶԵԲ-ԿՏՖՀ (Վերակառուցման և Զարգացման Եվրոպական Բանկ - Կանաչ Տնտեսության Ֆինանսավորման Հաստատություն) Ֆինանսավորման ծրագրի շրջանակներում: Արդյունքում, փաստացի տոկոսադրույքը կարող է հասնել մինչև 3%, իսկ ամսական մարումները կարող են կազմել այնքան, որքան վճարում եք հիմա էլեկտրաէներգիայի դիմաց։

2019-12-26
Գերմանական AE SOLAR արևային վահանակներ

"OHM ENERGY" ՍՊԸ - ն հանդիսանում գերմանական "AE SOLAR" - ի էքսկլյուզիվ ներկայացուցիչը Հայաստանում️ 2003 թվականից գերմանական AE Solar - ն ապահովում է բարձրակարգ ծառայություններ հաճախորդներին`տարեկան 575 ՄՎտ վահանակների սեփական արտադրությամբ: Մենք հպարտ ենք, որ 2018 թ․-ից AE SOLAR -ի պաշտոնական ներկայացուցիչն ենք Հայաստանում և համոզված ենք, որ հաճախորդների գոհունակությունն ու հավատարմությունը բարձրացնելու համար կարևոր է համաշխարհային կարգի, արդյունավետ, պրոֆեսիոնալ ծառայությունների և բացառիկ որակի արտադրանքների տրամադրումը, ինչպիսին է, օրինակ, նոր սերնդի ստվերակայուն ԽԵԼԱՑԻ (smart module) արևային վահանակը, որը pv magazine - ի կողմից արժանացել է “Top innovation 2018” անվանակարգի հաղթող։

2019-12-26
Ջեռուցման էներգախնայող համակարգեր OHM ENERGY - ում։

Ժամանակակից ջեռուցման խնայող համակարգեր OHM ENERGY - ում։ ✅ Տաքացուցիչի հզուրություն՝ 0.7 կՎտ (կամ 0․5 կՎտ) ✅ Տաքացվող մակերես՝ 14 մք (կամ 10 մք) ✅ Ամսական ծախս՝ 6000 դրամ (կամ 4500 դրամ) ✅ Հեռակառավարման հնարավորություն Առաստաղի բարձրությունը՝ մինչև 2,5 մ։

2019-03-28
Ջեռուցման և տաք ջրամատակարարման ֆիննական հիբրիդ տեխնոլոգիաներն արդեն Հայաստանում

Առաջին անգամ Հայաստանում ‼️ էներգաարդյունավետ համաշխարհային կարգի նոր լուծումներ OHM ENERGY-ից։ JÄSPI SOLAR - ի աննախադեպ էներգախնայող ջեռուցման և ջրամատակարարման այս հիբրիդ համակարգերը️ գազի և էլեկտրաէներգիայի Ձեր ծախսերը կհասցնեն ԶՐՈՅԻ։ ———————————————————————— ✅ որակի միջազգային չափանիշ ✅ մաքսիմալ հարմարավետ պայմաններ ✅ մինիմալ էլեկտրաէներգիայի ծախս ✅ անկախություն գազի և էլեկտրաէներգիայի սակագներից ✅ ֆիննական արտադրություն ✅ գերմանական կոլլեկտորներ ✅ աշխատանքային 10 բար ճնշում

Լուսանկարներ

Արևային կայանների տեսակները․ դրանց առավելություններն ու թերությունները

Արևից անվճար էլեկտրաէներգիա ստանալու հնարավորությունն օրեցօր ավելի շատ մարդկանց է ոգևորում, սակայն փորձը ցույց է տալիս, որ շատերը ամբողջական պատկերացում չունեն արևային կայանների տեսակների, դրանց առավելությունների և թերությունների մասին։ Ամենատարածված օրինակը արևային կայանների ոչ ճիշտ ընկալման մասին այն է, որ դա ասոցացնում են էլեկտրական ցանցից բացարձակ անկախության հետ, մինչդեռ արևից էլեկտրաէներգիա ունենալը դեռ բավարար պայման չէ ցանցից անկախ էլեկտրասնուցում ունենալու համար։ Նման ցանկությանը հասնելու համար անհրաժեշտ է, որ արևային կայանի տեսակը լինի hիբրիդ կամ ինքնավար։ Արևային կայանների աշխատանքի մասին ավելի լավ պատկերացում ունենալու համար պետք է սկսել նրանից, որ դրանք հիմնականում լինում են 3 տեսակի՝ ցանցային, ինքնավար և հիբրիդ։ Ցանցային (on-grid) արևային կայանները աշխատում են բաշխից ցանցին զուգահեռ ռեժիմում և ցանցի հուսալիության պարագայում արդյունավետ միջոց են էլեկտրաէներգիայի անհրաժեշտ ամենամսյա վճարները զրոյացնելու համար։ Ցանցային համակարգն արևային ֆոտոէլեկտրական կայանի տեսակ է, որի ժամանակ արտադրված էլեկտրաէներգիան ուղվում է սեփական կարիքների սպառմանը, իսկ ավելցուկային մասը կուտակվում է բաշխից ցանցում՝ ընթացիկ տարում հետագա սպառման համար։ Այս համակարգի առավելությունն այն է, որ նույնիսկ եղանակային անբարենպաստ (ամպամած կամ անձրևային) պայմաններում, երբ արևային կայանի արտադրությունը չի բավարարում Ձեր տան կամ օբյեկտի՝ այդ պահին ունեցած էլեկտրաէներգիայի պահանջը, պակասող մասը լրացնում է բաշխիչ էլեկտրական ցանցը։ Չշփոթելու համար երևույթը կարելի է բացատրել հասարակ օրինակով։ Ենթադրենք, մեր բնակարանի կամ բիզնեսի միջին ամսական սպառումը 80 կՎտժ է։ Արևաշատ օրերի ժամանակ մեր կայանը կարողանում է արտադրել 100 կՎտժ էլեկտրէներգիա, իսկ անբարենպաստ եղանակային պայմանների դեպքում՝ 60 կՎտժ։ Նման իրավիճակում ավելցուկային էլեկտրաէներգիան ուղվում է դեպի բաշխից ցանց, որը կարելի է օգտագործել հաջորդ ամսվա ընթացքում, իսկ պակասորդային իրավիճակի դեպքում անհրաժեշտ քանակությունը վերցվում է բաշխից ցանցից։ Այստեղ շատ կարևոր է հասկանալ նաև թե ինչ սկզբունքով է կարգավորվում բաշխից ցանցի և սպառողի հարաբերությունները, ինչի մասին ավելի մանրամասն պատմելու ենք մեր հաջորդ բլոգներից մեկում։ Ինքնավար (off-grid) արևային ֆոտոէլեկտրական կայանը հրաշալի լուծում է բոլոր նրանց համար, ովքեր ցանկանում են սպառել էլեկտրաէներգիա, բայց չունեն բաշխիչ ցանցերի հետ միացում։ Էլեկտրակայանի այս տեսակը հաստատուն հոսանքի էլեկտրական էներգիան կուտակում է ակումուլյատորային մարտկոցներում։ Ինվերտորի համալրումը թույլ է տալիս այս համակարգին ակումուլյատորային մարտկոցներից հաստատուն հոսանքը կերպափոխել փոփոխական հոսանքի, որն էլ հենց օգտագործվում է հիմնական կենցաղային սարքավորումների շահագործման ժամանակ։ Այս տեսակի ֆոտովոլտային կայանների հիմնական թերությունը բարձր գինն է, քանի որ լիարժեք անկախության համար անհրաժեշտ մարտկոցները բավականին թանկ արժեն։ իբրիդ արևային ֆոտոէլեկտրական կայանները կարող են աշխատել և՛ ցանցի հետ զուգահեռ ռեժիմում, և՛ առանց դրա։ Հիբրիդ արևային կայան նախագծելիս հաշվի են առնվում այն հիմնական սպառիչները, որոնք մշտական էկեկտրամատակարարման կարիք ունեն, նույնիսկ եթե անջատվել է էլեկտրական ցանցի սնուցումը։ Նման ապրանքներ կարող են լինել տան Wi-Fi-ը, սառնարանը, հեռուստացույցը, լամպերը և այլն։ Հիբրիդ կայանների նախագծման ժամանակ ևս օգտագործվում են ակումուլյատորային մարտկոցներ։ Այս դեպքում կայանը աշխատում է այնպես, ինչպես ցանցայինի ժամանակ, միակ տարբերությունը կայանում է նրանում, որ եթե ցացայինի ժամանակ ցանցի խափանման դեպքում տեղի է ունենում ամբողջական հոսանքազրկում, ապա այս պարագայում մեր նախընտրելի սարքավորումները աշխատում են՝ սնուցվելով ակումուլյատորային մարտկոցներից։ Հիբրիդ արևային կայանները ցանցային և ինքնավար արևային կայանների համադրություն են։ Այս տեսակի կայանի դեպքում էլ հիմնական խնդիրը բարձր գինն է։ Հայաստանի Հանրապետությունում ամենատարածված արևային կայանի տեսակը ցանցայինն է։ Թև այն ցանցի հոսանքազրկման դեպքում չի կարողանում ապահովել էլեկտրամատակարարում, սակայն համեմատաբար ավելի մատչելի է, քան հիբրիդ և ինքնավար արևային կայանները և ճիշտ նախագծման դեպքում վստահաբար կարող է զրոյացնել էլեկտրաէներգիայի համար նախատեսված տարեկան ծախսերը։

Դիտել Կից Ֆայլը