Ինչպես տեղեկացնում է Constructiondigital կայքը, աշխարհի խոշորագույն աստղադիտակի շինարարությունը նախատեսվում է սկսել այս տարի Չիլիի Սերրո Արմազոնես (Cerro Armazones) սարի վրա, գոյություն ունեցող աստղադիտարանի մոտ: 1.4 մլրդ ԱՄՆ դոլար բյուջեյով խոշորագույն աստղադիտակի կառուցումը հնարավորություն կտա հետաքրքրասերներին և աստղագետներին հիանալ տիեզերքի աննախադեպ պատկերով, բացահայտել նրա բոլոր գաղտնիքները, հայտնագործել նոր մոլորակներ, ինչպես նաև բացահայտել խորհրդավոր մութ նյութի և մութ էներգիայի գաղտնիքները: Աշխարհի խոշորագույն աստղադիտակի շինարարության նախագիծը ղեկավարում է Եվրոպական հարավային աստղադիտարանի խորհուրդը (European Southern Observatory): Ատակամա անապատում նախապատրաստական շինարարական աշխատանքները կսկսվեն արդեն մոտ ապագայում: Ըստ նախնական տվյալների՝ աստղադիտակը կունենա 5 հայելի, որոնցից գլխավորի տրամագիծը կկազմի ավելի քան 42 մետր: Նշենք, որ այն ավելի քան 30 մետրով մեծ կլինի Հավայան կղզիներում գտնվող, աշխարհի գործող ամենախոշոր՝ Կեկ (Keck) աստղադիտակի հայելուց: Եվրոպական հարավային աստղադիտարանի խորհուրդը հույս ունի, որ նոր աստղադիտակը շահագործման կհանձնվի առաջիկա տասնամյակում: Այնուամենայնիվ, խորհուրդը նշում է, որ նման մեծամասշտաբ նախագիծի իրականացումը կարող է ձգձգվել չնախատեսված ծախսերի առաջացման պատճառով: Աստղադիտարանի խորհուրդը նաև ընդունում է, որ նախապատրաստական աշխատանքները պետք է անհապաղ սկսել, որպեսզի հնարավոր լինի բուն շինարարական աշխատանքները սկսել արդեն 2012 թ-ին:
Ինչպես տեղեկացնում է Constructiondigital կայքը, երբ 2012 թ-ի գարնանը Տոկիոյում շահագործման հանձնվի Երկնային Ծառ (Tokyo Sky Tree) աշտարակը, այն կդառնա Ճապոնիայի ամենաբարձր կառույցը: 634 մետր բարձրությամբ աշտարակը գտնվում է Տոկիոյի Սումիդա (Sumida) թաղամասում: Շինարարության ավարտից հետո հեռարձակման աշտարակը կդառնա Ճապոնիայի խորհրդանիշը: Հսկայական ծառ հիշեցնող այս կառույցը նախագծել է Նիկկեն Սեկկեյ (Nikken Sekkei) ճարտարապետական բյուրոն, իսկ որպես գլխավոր կապալառու հանդես է եկել Օբայաշի Քորփորեյշնը (Obayashi Corporation): Ըստ նախնական տվյալների՝ աշտարակը կդառնա երկրի թվային հեռարձակման ցանցային կենտրոն: Երկնային Ծառը կունենա երկու դիտահարթակ՝ 350 և 450 մետր բարձրությունների վրա, որոնք հնարավորություն կտան այցելուներին հիանալ Տոկիոյի համայնապատկերով: Իմիջիայլոց, 450 մետրի դիտահարթակը կառուցման ավարտին կլինի աշխարհում ամենաբարձրը: Ավելի ցածր հարկերում կլինեն ռեստորաններ և առևտրային կենտրոններ: Ինչպես մենք գրել էինք նախկինում գրել էինք նախկինում հեռուստաաշտարակը կառուցվում է Obayashi կազմակերպության կողմից մշակված հատուկ հիմքերի վրա, ինչը կերաշխավորի աշտարակի բարձր կայունությունը երկրաշարժերի, ուժեղ քամիների և այլ ուժերի նկատմամբ:
Հունվարի 5-ին Մեքսիկայում հանդիսավոր բացվել է աշխարհի ամենաբարձր վանտային (կախովի) կամուրջը և միանգամից գրանցվել Գինեսի համաշխարհային ռեկորդների գրքում, հաղորդում է Constructiondigital կայքը: Հսկայական Բալուրեյթ Կամուրջը (Balurate Bridge) կախված է 152 պողպատե ճոպաններից և ունի 1100 մետր երկարություն, 20 մետր լայնություն և բաղկացած է 4 երթուղային շարքերից: Կամուրջի կենտրոնական թռիչքը հասնում է 520 մետրի: 1.42 մլրդ ԱՄՆ դոլար արժողությամբ նախագծի շինարարության 86 տոկոսն ավարտված է, իսկ վերջնական այն պատրաստ կլինի հունվարի վերջին: Մեքսիկայի նախագահ Ֆիլիպե Կալդերոնի (Felipe Calderon) խոսքերով, այս կամուրջը երկրի ամենատպավորիչ ենթակառուցվածքային նախագծերից է: Վերջինիս շնորհիվ կմիավորվեն հյուսիսային Մեքսիկայի բնակիչները: Բալուրեյթ Կամուրջն ամենաբարձր կետում ունի 403 մետր բարձրություն, և վերջինիս բացումը երկրի՝ Իսպանիայից ազատագրվելու 200-ամյա տարեդարձի միջողացումների շարքին է պատկանում: Կամուրջի շինարարությունը տևել է մոտ 4 տարի: Այն իրար է կապում Մեքսիկայի երկու նահանգներ՝ Մազալթանը (Mazatlan) և Դուրանգոն (Durango)` ապահովելով ուղիղ կապ Սատանայի Մայրուղով (Devil’s Backbone): Քննադատների կարծքիով, այս կամուրջի բացումը կավելացնի երկրում թմրանյութերի վաՃառքը, քանի որ արդեն հնարավոր կլինի վերջիններս տեղափոխել շատ ավելի արագ այս ճանապարհներով: Սակայն երկրի պաշտոնյաները համոզված են, որ կամուրջը կնպաստի տեղական համայնքների զարգացմանը: Լրացնենք, որ աշխարհի ամենաբարձր կախովի կամուրջը գտնվում է Չինաստանում: Siduhe կամուրջի բարձրությունը հասնում է 472 մետրի, իսկ թռիչքը՝ 900 մետրի: Որպեսզի ընթերցողների մոտ ռեկորդների հարցում շփոթմունք չառաջանա՝ նշենք, որ այս երկու կախովի կամուրջների տարբերությունը կառուցվածքների մեջ է:
Ինչպես տեղեկացնում է Интерфакс լրատվական գործակալությունը, դեկտեմբերի 22-ին լրագրողների հետ հանդիպման ժամանակ «Տաշիր Գրուպ» ընկերության փոխնախագահ Վիտալի Եֆիմկինը հայտարարել է, որ 2012 թ-ին ընկերությունը պատրաստվում է շահագործման հանձնել 11 համալիր: . Նրա խոսքերով ծրագրված 11 նախագծերից 9-ը առևտրաժամանացային համալիրներ են, որոնցից 2-ը կկառուցվեն Մոսկվայում, իսկ մյուս 7-ը Ռուսաստանի այլ շրջաններում՝ սեփական «ՌԻՈ» ապրանքանիշով: Մոսկվայի նախագծերից մեկը՝ 70 հազար քառակուսի մետր մակերեսով բազմաֆունկցիոնալ հանգստի կենտրոն է «Մոսկվա Սիթի»-ում, իսկ մյուսը՝ 18 հազար քառակուսի մետր մակերեսով «Յարոսլավլ» հյուրանոցն է: . Եֆիմկինի խոսքերով, գալիք տարի ընկերությունը հավանաբար կշարունակի շահագործման հանձնել ջրային ժամանցային կենտրոններ, քանի որ ղեկավարության կարծիքով վերոնշյալը շատ հաջողակ նախագիծ է: Բանն այն է, որ 1 ամսվա աշխատանքի ընթացքում ընկերության կոմից բացված առաջին օվկիանոսարիում (оceanarium, океанарий) այցելել է ավելի քան 250 հազար մարդ: . «Տաշիր Գրուպ» ընկերությունը բացվել է 1999 թ-ին և զբաղվում է կառուցապատմամբ ու առևտրով: Այն կառավարում է ավելի քան 850 հազար քառակուսի մետր անշարժ գույքի տարածք: Նշենք, որ 2011 թ-ին ընկերության շահույթը կկազմի 2.8 մլրդ ԱՄՆ դոլար, այն դեպքում, երբ 2010 թ-ին այդ նույն ցուցանիշը կազմել է 1.725 մլրդ ԱՄՆ դոլար:
Հղում կատարելով Կուբայի ներքին առևտրի նախարարի առաջին տեղակալ Օդալիսա Էսկանդելի (Odalys Escandell) հայտարարությանը՝ mail.ru կայքը գրում է՝ որ դեկտեմբերի 15-ից Կուբայի իշխանությունները տեղական խանութներում մի շարք շինանյութերի գները նվազեցրել են 20-30 տոկոսով: Էսկանդելի խոսքերով կէժանանա ավելի քան 122 տեսակի շինանյութ, ընդ որում կիջնեն բետոնե բլոկների, սանտեխնիկական սարքավորումների, աղյուսների և այլ նյութերի գները: Ի դեպ երկրի բոլոր 286 խանութներում շինարարական ապրանքների գները սահմանվում է Կուբայի կառավարության կողմից: Երկրի իշխանությունները նաև հայտարարել են, որ դեկտեմբերի 20-ից բոլոր այն քաղաքացիները, ովքեր ցանկանում են վերանորոգել իրենց բնակարանները կարող են վարկեր ստանալ բանկերից: Այդ նպատակով երկրում բացվել է մոտ 5 հարյուր համապատասխան սպասարկման կենտրոն: Որպես վարկի երաշխավոր կարող են հանդես գալ երրորդ անձինք կամ էլ կարող է գրավադրվել անշարժ գույք կամ կահույք: Նշենք, որ շինարարության ոլորտի խնդիրները կղզու տնտեսության հիմնական մասն են կազմում: Ըստ պաշտոնական տվյալների՝ երկրում չի բավարարում մոտ կես մլն բնակարաններ, իսկ բնակֆոնդի 40 տոկոսն էլ անմխիթար վիճակում է: Երկրի առաջնորդ Ռաուլ Կաստրոն և այլ ղեկավարներ մեկ անգամ չէ, որ շեշտել են երկրում անհատական շինարարության և բնակարանների վերանորոգման խրախուսման անհրաժեշտությունը:
